نكت مغربية أجدد ما في السوق

هادي وحدة بغات تعرف واش غادة تشد لباك مشات هي او مها عند شوافة سولاتها كالت ليها بغيت نعرف واش بنتي غادا تاخد لباك شوافة دمصات لكارطا او هي تكول ليها غادا تاخدو و لاكين ماغاداش تولد معاه
2 هادا استاد سول تلاميذ ديالو كال ليهم ماهي عاصمة و.م.أ واحد لكسول مريح لور و هي تبان ليه هدية دايزة او هو يكول ليه استاد واش نطل (washington) الجواب صحيح
3 هدا استاد جاي عندو لمفتش قال لتلاميذ ديالو ملي يسول لمفتيش لي عارف لجواب يهز صبعو مسرح و لي معرفش يهز صبعو متني باش يقول لقسم مجتهد جا لمفتيش طرح سؤال صعيب لقسم كلوو هز صبعو متني بقى كيقلب هو يقول لواحد لكسول لور جاوب هو يقول له تا مالك الاستاد عور

واحد الساط باغي يتصاحب وماعارفش كيفاش مشا عند واحد الخبير فراس الدرب قاليه بغيت نصيد شي وحدة وقاليه ها كيف غادي دير هز شي حجرة صغيرة وضرب شي وحدة اللي عجباتك وغاتلفت عندك ودوي معاها صافي مشا تا الغد وجا جرب وهو يفلق واحد البنت جاو البوليس بجرية واقفين كايسولو فيها شكون ضربها وهو يجي داك الساط تايجري وتايقول (وا حيدوووووووو حييييييدووووو الساطة ديالي انا اللي صيدتها).




هدا واحد خينة فعيد الكبير دايز من الدرب وكايغوت شكون اللي مامعيدش (زعما اللي ماعندوش حولي) وحدة طمعت قالت غايعطيوني حولي وهي تقول انا وهو يقول ليها داك خينة خلي لينا المجمر نشوطو بيه الريوس ونرجعوه ليك.




هادي واحد الزريبة مسطية اللي شراها كايتسطا قالو مسكونة والله اعلم واحد بغا يوحلها فواحد اخر باعها ليه رخيصة وداك الراجل داخل كايتفقد الحيوانات ديالو فالزريبة وهو يسمع الهضرة وبدا كايتسنط وهو يسمع الحولي كايقول (باااااع الزريبة) وهو يرد عليه الكلب (هووو شحال) وهي تقول البگرة (موووووواعرت) وقالت المشة (ميااااااااو ستين) وهو يقول الفروج (قوقوقولبوه).




هدا واحد شرا جمل وغادي بيه فالطريق وهو يقول الجمل واتصيدتي البغل انا ماكانعرف لا نحصد لا ندرس غير غشموك فيا وهو يقول ليه انا ماشاريك لا لحصد لا تدرس انا غادي بيك غير دبيحة لمولاي براهيم